Паллиатив ярдәм нәрсә ул?
Паллиатив ярдәм – медицинаның чагыштырмача яңа бер юнәлеше. Арабызда гомере өзелү куркынычы булган авыру кешеләр бар, менә шул авыруларның хәлләрен җиңеләйтү өчен паллиатив ярдәм оештырыла. Ул авыруга диагноз куюдан башлап, аның физик халәтен билгеләү, рухи һәм социаль проблемаларын хәл итүдә ярдәмне дә үз эченә ала, дип аңлаталар район үзәк дәваханәсе белгечләре. Күптән түгел больницада «Паллиатив ярдәм» декадасы да үтте.
