Скандинавча йөрүне үз итәләр
Алар яныннан туктамый узып китә алмадык. Нефтебаза поселогына эш буенча килгәч, каршыбызга кулларына таяк тотып баручы хатын-кызлар төркеме очрады. Хәрәкәттән бит очлары алсуланган, елмаялар үзләре. Көн саен ике-өч сәгать шулай скандинавча йөриләр, якындагы бакчачылык ширкәтендәге кардан чистартылган юллардан әйләнеп, һава сулап киләләр икән. Чөнки алар сәламәтлек турында беренче чиратта үзеңә кайгыртырга кирәк, дигән фикердә.
