Зәрия Вәлиева автор яңалыклары

• 01 сентябрь 2022

  Президентыбызның фатыйхасы белән

  Районыбызга эшлекле сәфәр белән Татарстан Республикасы Президенты Рөстәм Нургали улы Миңнеханов килде. Рөстәм Миңнеханов Круглое Поле поселогында газлаштыру программасын дәвам итү буенча йөздән артык йортка газ кертү тантанасында катнашты, ул республикада газлаштыру буенча башкарыла торган эшләргә кыскача гына тукталды һәм бистә халкын шатлыклы вакыйга белән тәбрикләде.

  
• 31 август 2022

  Татарстан – үз илебез, безнең газиз җиребез!

  1990 нчы елның 30 нчы августы – ватандашларыбызның изге теләген тормышка ашыру максатыннан Татарстан ССР Югары Советы тарафыннан Татарстан дәүләт суверенитеты декларациясен кабул иткән көн буларак данлы һәм шанлы тарихыбызга кереп калды. Татарстанның дәүләт бәйрәме – Республика көне җөмһүриятебездә утыз елдан артык бик матур һәм эчтәлекле итеп уздырыла. Шунысы сөенечле, төрле милләт халкы бу тантаналы бәйрәмне беренче еллардан ук үз итте һәм тиешле дәрәҗәдә үткәрү өчен зур тырышлык куя.

  
• 26 август 2022

  Яши белеп яши ул!

  Тукай районы Новотроицкое авылында гомер итүче Асия Хәсәнованың күңеле тулы моң. Шул моңнарын: сагыну-сагышын, шатлык-сөенечен, борчу-хәсрәтен шигъри юлларга салып укучылары белән уртаклаша ул. 

  
• 26 август 2022

  Тәкъдиргә ышану

  Бисмилләәһир-рахмәәниир-рахиим. Мөселман булу өчен, Ислам баганасының барлык алты шартларын да үтәргә кирәк. Тәкъдиргә ышану – иманлы булуның бер шарты. Галәмнәрдә, җирдә һәм күкләрдә булган барлык терек һәм терек булмаган мәхлукларның барчасы да Аллаһның теләге белән бар була.

  
• 25 август 2022

  Уңышлар, максатлар һәм бурычлар

  Педагогларның август аенда уздырыла торган конференциясе – мәгариф өлкәсендә иң төп вакыйгаларның берсе. Быел август киңәшмәсе үз җирлегебездә – Яңа поселогында – төзекләндерелгән мәдәният йортында үткәрелде. 

  
• 05 август 2022

  Туган ягына мәдхия җырлаучы ханым 

  Асия Метшина исеме райондашларыбызга яхшы таныш. Ул туган авылы, аның эшчән, уңган-булган халкы турында редакциягә хатлар язып тора. Ә иң яраткан шөгыле – күңелендә туган уй-хисләрен шигъри юлларга салу. Кырыкмаса кырык эше, авыру баласы булуга карамастан, кулына каләм алырга вакыт таба ул. Күпчелек шигырьләрендә Асия Метшина туган авылына мәдхия җырлый – Иштирәген үлеп ярата.  Үткәндәге матур хатирәләре белән дә уртаклаша. Инсанга үгет-нәсихәтен җиткерергә дә тели.  Туган ягына мәдхия җырлаучы шигъри җанлы Асия ханымның иҗат чишмәсе гел ургылып торсын. 

  
• 02 август 2022

  Хәерле сәгатьтә!

  Терлек азыгы әзерләү кампаниясеннән соң авыл хуҗалыгы хезмәтчәннәре тын алырга да өлгермәде – урак өсте башланып китте. Район җирлегендә эшләп килүче «Кама» агрофирмасының 1 нче санлы Новотроицкий бүлеге районда беренчеләрдән булып урып-җыю кампаниясен башлап җибәрде.

  
• 18 июль 2022

  Тормышлары балдай татлы 

  Эшчән, пөхтә кеше турында безнең халыкта: «Бал корты сыман» дигән әйтем бар. Иштирәк авылында гомер итүче Разилә Мулланур кызы белән Фәргать Әсгать улы Хәсәншиннар нәкъ менә бал кортлары сыман эшчән, тынгысыз һәм пөхтә кешеләр.Яшьлектә бер-берсен яратып кавышкан парларның мәхәббәте олыгаю чорында тагын да матуррак төсмерләр белән баетылган. Алар бер-берсен сүзсез дә аңларга өйрәнгән. Ягымлы күз карашы, үзара җылылыкның ихластан булуы сизелеп тора. Фәргать әфәнденең хатынына шаярту катыш эндәшүләре тормыш мәшәкатьләрен, көндәлек ыгыз-зыгы – авылдагы тавык чүпләсә дә бетмәс эштән арыган күңелгә ял бирәдер ул. 

  
• 08 июль 2022

  Мөләем, матур ханым

  Калмия авылы – табигатьнең гүзәл почмагында урнашкан. Халкы – эшсөяр. Авылга җәйләрен шәһәр халкы да кайтып тула. Бу чор – аеруча күңелле була. Хәер, авыл ул язын да, көзен дә, зәмһәрир салкын кыш айларында да ямьле. Һәр ел фасылының үзгә гүзәллеге бар. Шул садәлекне күрә белүче Нәҗибә Гыйлаҗ кызы Сәхипгәрәева күңелендә тулып ашкан хисләрен шигъри юллар аша райондашларыбызга җиткерә. 

• 06 июль 2022

  Нәсыйхәт – зур нигъмәт

  Шушы көннәрдә район хакимияте бинасында Татарстан Республикасының Баш казые Җәлил хәзрәт Фазлыев белән очрашу булды. Район башлыгы Фаил Камаев инициативасы һәм имам-мөхтәсиб Җәүдәт хәзрәт Харрасов тырышлыгы белән оештырылган очрашуда җирлегебездә эшләп килүче мәчет имамнары, авыл җирлеге башлыклары һәм хакимияттә бүлекләрдә эшләүче белгечләр катнашты. Гамьле әңгәмә эчкерсез шартларда үтте. 

  
• 01 июль 2022

  Корбан гаете мөбарәк булсын!

  Бисмилләәһир-рахмәәнир-рахииим. Аллаһ Коръәндә «Хаҗ» сүрәсенең 37 нче аятендә: «Чалган малларыгызның итләре үә каннары Аллаһуга ирешмәс, ләкин сездән Аллаһуга тәкъвалык үә изге гамәлләрегез ирешер, әнә шулай Аллаһ дөяләрне сезнең файдагызга бирде, сезне туры юлга күндергәне өчен Аллаһны зурлап тәкъбирләр әйтүегез өчен, яхшы эшле изгеләрне Җәннәт белән шатландыр!»  – ди.

  
• 24 июнь 2022

  Аллаһның китапларына ышану

  Бисмилләәһир-рахмәәнир-рахииим. Аллаһ Коръәндә  «Бәкара» сүрәсенең 286 нчы аятендә:  «Пәйгамбәр һәм мөэминнәр аңа Раббысыннан иңгән нәрсәгә ышандылар. Алар барысы да Аллаһка, Аның фәрештәләренә, Аның язуларына, Аның пәйгамбәрләренә иман китерделәр», – ди.  Мөселманнар, барлык иманлы инсаннар Аллаһ тарафыннан пәйгамбәрләргә иңдерелгән илаһи китапларга ышаналар. Ошбу вәгазь – Аллаһның китапларына ышану хакында.                                              

• 24 июнь 2022

  Мизгелне дә кулдан ычкындырмыйлар

  Районыбыз аграрийлары малларны кышлату чорына җитәрлек күләмдә терлек азыгы әзерләү өчен һава торышының уңай килгән бер генә мизгелен дә кулдан ычкындырмаска тырышалар. 

  
• 23 июнь 2022

  Кул эшләрендә – күңел хәзинәсе

  Иске Байлар авылында яшәүче Гөлфинә Рәҗәп кызы Шакирова күңел хәзинәсен кул эшләренә: чигешләренә, акварель белән ясаган рәсемнәренә, бизәнү әйберләренә, теккән һәм бәйләгән әйберләренә күчерә белүче оста куллы туташ.

  
• 17 июнь 2022

  Сабантуй – милли мирас

  Сабантуй – язгы кыр эшләре тәмамланганнан соң игенченең бераз гына булса да «тын алуы» – тәнен-бәдәнен ял иттерүе, рухын баетуы өчен  ата-бабаларыбыз тарафыннан оештырылган бәйрәм ул. Сабантуйның мең елдан артык тарихы бар. Бу бәйрәмгә халкыбыз элек-электән зур мәгънә салган. Зөбәрҗәти диңгез булып җәйрап яткан уҗымнар, ямь-яшел болын-кырлар белән сөендерә быелгы яз. Җиң сызганып мал азыгы хәзерләү – яшел уракка төшү алдыннан кыр батырларын, уңган терлекчеләрнең тырыш хезмәтен бәһаләү, аларга дан җырлау ул Сабантуй.