Владимир Путин Россия мөселманнарын Ураза бәйрәме белән котлады
Президент үзенең мөрәҗәгатендә бу бәйрәмнең рухи камиллеккә, шәфкатьлелеккә һәм мәрхәмәтлелеккә омтылу символы булуын, шулай ук исламның төп кыйммәтләрен искә төшерүен билгеләп үтте.
Ул Россия мөселманнарының борынгы традицияләрне кадерләп саклауларын һәм Ураза бәйрәмен гаилә дәирәсендә дә, дини җәмгыятьләрдә дә билгеләп үтүләрен ассызыклады.
Дәүләт башлыгы Рамазан аенда хәйрия һәм мәдәни-агарту чаралары, шул исәптән балалар бәйрәмнәре уздыру күркәм традициягә әверелде дип тә искәртте.
Президент мөселман оешмаларының гаилә кыйммәтләрен ныгытуга, яшьләрне тәрбияләүгә, дәүләт һәм җәмәгать структуралары белән хезмәттәшлекне үстерүгә юнәлтелгән эшчәнлеген югары бәяләде.
Шулай ук ул хезмәттәшләре белән бергә илне саклауда катнашучы һәм хәрби хезмәткәрләрнең гаиләләренә ярдәм итүче ислам динендәге гражданнарга аерым рәхмәтен белдерде.
Фото һәм мәгълүмат Татар-Информ сайтыннан алынды
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев