Юл кырыенда тәгәрмәч алыштырган ир-атны таптаткан

14 сентябрь көнне көндезге сәгать 12.30да Мәскәү - Уфа трассасының 1071нче километрында, Сосновый Бор авылы янында, кеше үлеме белән бәйле юл-транспорт һәлакәте теркәлде. Минзәлә ягыннан Яр Чаллыга таба хәрәкәт итүче «ЗАЗ Chance» автомобиле, идарә итүне югалтып, каршы як юл кырыена чыга һәм тәгәрмәч алыштырырга дип туктаган «Лада Приора» машинасының 45 яшьлек йөртүчесенең өстенә менә. 60 яшьлек ир-ат идарә иткән «ЗАЗ Chance» аннары якындагы баганага бәрелеп туктап кала. «Лада Приора» йөртүчесе алынган җәрәхәтләреннән һәлакәт урынында ук җан бирә. Икенче машинадагы 66 яшьлек пассажир хатын-кызны һәм 4 яшьлек кыз баланы ашыгыч ярдәм күрсәтүчеләр БСМПга алып китәләр.