Каникулда игътибар артачак

Балалар катнашындагы юл-транспорт һәлакәтләре нәкъ менә шушы вакытта арта. Балигъ булмаганнарның игътибарсызлыгы аркасында аварияләр шактый теркәлә. Быел ел башыннан республика буенча шундый 120 очрак булган. Аларда 3 баланың гомере өзелгән, 119ы имгәнүләр алган. ЮХИДИ хезмәткәрләре бу җәһәттән җәяүле балаларның юл йөрү кагыйдәләрен үтәүләрен тикшерәчәкләр. Шулай ук ял көннәрендә велосипедта йөрүчеләр арта, механик транспорт чарасында юлга чыгучылар очрый. Андыйларга да игътибар көчәячәк. Юл хәрәкәте иминлеген саклауга ЮИД отрядлары, әти-әниләр патрульләре җәлеп ителәчәк. Әлбәттә инде, юлда йөргәндә балаларның киемендә яктылык кайтаргыч элементлар булырга тиеш. Бу таләпнең үтәлүе дә мәҗбүри.