Игътибар – балалар!

admin, 23 август 2019 - 09:20

1046

Балаларны юл-транспорт һәлакәтләреннән, имгәнүләр алудан саклау максатыннан яңа уку елы башланган чорда, 26 августтан 8 сентябрьгә кадәр, районда ЮХИДИ бүлеге тарафыннан «Игътибар – балалар!» профилактик чарасы үткәрелә.

Республикада елның 7 аенда балалар катнашында 320 юл-транспорт һәлакәте теркәлгән. Аларда 338 бала тән җәрәхәтләре алган, 11 бала үлгән. Районда исә шундый 10 һәлакәт булган, аларда 14 бала имгәнүләр алган. Статистикадан күренгәнчә, август-сентябрь айларында бәхетсезлек очраклары аеруча күп теркәлә, чөнки балалар каникуллар вакытында юл куркынычсызлыгы күнекмәләрен оныталар.
Профилактик чара вакытында ЮХИДИ хезмәткәрләре ата-аналар белән эшләячәкләр, машина йөртүчеләрнең балаларны махсус креслоларда йөртүенә игътибар бирәчәкләр, мәгариф учреждениеләренә керү юлларының куркынычсызлыгы тикшереләчәк һәм башка шундый чаралар үткәреләчәк.