Гаилә белән һәлакәткә юлыктылар

admin, 15 май 2019 - 09:55

1273

9 май көнне Яр Чаллы – Түбән Кама трассасының бишенче километрында булган юл-транспорт һәлакәтендә тулы бер гаилә зыян күрде.

Форд машинасы руле артына утырган Түбән Камада яшәүче 26 яшьлек хатын-кыз, каршы як полосага чыгып, юл кырыена төшеп әйләнә. Автомобильдә аның 6 яшьлек һәм 4 айлык уллары да була. Алар өчесе дә күптөрле тән җәрәхәтләре алып, Түбән Кама үзәк дәваханәсенә озатылалар.
10 майда Борды авылында мопедка утырган 12 яшьлек үсмер малай 8 яшьлек кызны бәрдерде. Мопедның номерлары да, үсмернең транспорт чарасын йөртүгә хокукы да булмаган. Җитмәсә, ул һәлакәт урыныннан качып киткән. Иң өсте җәрәхәтләнгән җәяүле кыз медицина хезмәткәрләре тикшерүеннән соң өенә җибәрелгән.