Эчүе үлеменә китергән

Узган якшәмбе көнне «Ленар» бакчачылык ширкәтендә бакча йортында тәрәзәләр куйганнан соң, 29 яшьлек ир-ат машина йөртү хокукыннан мәхрүм ителгән килеш һәм эчкән хәлдә руль артына утырып чыгып китә. Яр Чаллы - Наратлы Кичү юлының алтынчы километрында ул тизлекне арттыру аркасында идарә итүне югалта һәм юл кырыена төшеп әйләнә. Йөртүче куркынычсызлык каешын да такмаган була. Яр Чаллы шәһәрендә яшәгән, «Татэлектромаш»та кранчы булып эшләгән әлеге ир-ат фаҗига урынында ук җан бирә.