Тукай районында бер көндә өч кеше БСМПга эләкте

автор, 3 август 2015 - 10:14

630

2 август көнне төнге сәгать 3тә Яр Чаллы - Мерәс юлының 18нче километрында 37 яшьлек хатын-кыз идарә иткән «Калина» машинасы юл кырыена төшеп әйләнә. Йөртүче тизлекне арттырган һәм дистанция сакламаган була. Нәтиҗәдә, ул үзе дә, 28 яшьлек пассажиры да күптөрле җәрәхәтләр белән БСМПга озатыла. Автомобильдәгеләр икесе дә куркынычсызлык каешын эләктермәгән...

Шул ук көнне сәгать кичке 9 тулгач Яр Чаллы - Сарман юлында тагын бер һәлакәт теркәлә. «Тугызлы»дагы 19 яшьлек егет юл кисешендә сулга борылганда «Isuzu Trooper» машинасына юл бирмичә, аның белән бәрелешә. Җитмәсә, икенче автомобильнең йөртүчесе исерек хәлдә була. «Тугызлы»дагы егет баш мие, күкрәк читлеге җәрәхәтләре алып больницага озатыла.