Якты юл
  • Рус Тат
  • Аварияләр бераз кимеде, шулай да тынычланырга ярамый

    Алты ай эчендә район территориясендәге юлларда 46 юл-транспорт һәлакәте булды. Аларда 12 кешенең гомере өзелде, 68 кеше төрле дәрәҗәдә тән җәрәхәтләре алды. Ә узган ел бу чорга 65 һәлакәт теркәлеп, аларда 17 кеше үлгән, 104 кеше зыян күргән иде. Чагыштырганда, аварияләр саны 70,7 процентка, үлүчеләр - 70,6, җәрәхәтләнүчеләр 65,4 процентка...

    16 яшькә кадәрге балалар катнашындагы юл һәлакәтләре быел 1гә артыграк теркәлде. Аларда үлүчеләр юк, 12 бала тән җәрәхәтләре алды.

    Исерек килеш рульгә утыручылар аркасында 8 авария булды, узган ел шундый 9 очрак теркәлгән иде. Аларда кеше үлеме булмаса да, 14 кешенең җәрәхәтләр алуына китерде. Узган ел исерек машина йөртүчеләрнең гаебе белән 6 кешенең гомере өзелгән, 15 кеше сәламәтлегенә зыян алган иде. Быел бер очрак юридик затларның транспортын йөртүче аркасында теркәлде.

    Нәтиҗәләрдән күренгәнчә, шимбә һәм якшәмбе иң аварияле көннәрдән санала. Ә тәүлекнең 12дән 15 сәгатькә, 18дән 21 сәгатькә кадәр арасында аеруча сак йөрү таләп ителә - күңелсез хәлләрнең күпчелеге шушы вакытларда теркәлә.

    Һәлакәтләрнең төрләренә килгәндә исә, фаҗигаләр, гадәттә, машиналарның бәрелешүе аркасында килеп чыга. Мәсәлән, быелгы аварияләрнең 29ы шул сәбәпле булды. 9 кеше шундый бәрелешүләр вакытында үлде, 49 кешенең сәламәтлегенә зыян килде. Монда төп сәбәпләр - тизлек режимын сакламау, ярамаган урында каршы полосага чыгу.

    Юл һәлакәтләрен кисәтүдә, тотрыклылылык булдыруда трасса ротасы белән бергә полициянең участок вәкаләтлеләре дә эшли. Бу максаттан һәр атнаны ЮХИДИ бүлеге тарафыннан кисәтү чаралары үткәрелә. Тикшерүләр вакытында исерек килеш машина йөртүчеләрне, ярамаган урында каршы як полосага чыгучыларны ачыклауга игътибар аеруча нык бирелә. Юллардагы хәлләр видеотеркәү җайланмалары аша да һәрдаим күзәтелеп тора.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: