Жирәбә салынды. Агитация башлана

4 декабрь - Россия Федерациясе Федераль Җыены Дәүләт Думасына депутатлар сайлау көне. Әлеге сайлауларда катнашу өчен 7 сәяси фирка теркәлде. Алар: "Россия либераль-демократик партиясе" (ЛДПР), "Россия Федерациясе коммунистлар партиясе" (КПРФ), "Гадел Россия", "Бердәм Россия", "Правое дело", "Яблоко", "Патриоты России". 5 ноябрьдән 3 декабрьгә кадәр массакүләм мәгълүмат чараларында сайлау алды агитациясе алып барылачак. 31 октябрьдә "Якты юл" ("Светлый путь") газетасы редакциясендә сайлау алды агитациясе өчен мәйданнарны бүлү буенча жирәбә узды. Анда сәяси фирка, территориаль сайлау комиссиясе әгъзалары катнашты.