Үзара салым кайда күпме җыелган?

admin, 12 март 2021 - 10:30

746

Авыл җирлекләрендә үзара салым акчасын җыю дәвам итә. Агымдагы елның 9 мартына 23 авыл җирлегеннән барлыгы 9 млн 893 мең 150 сум акча кергән. Бу – җыелырга тиешле сумманың 42 проценты.

Борды, Иштирәк, Мусабай-Завод авыл җирлекләрендә үзара салым акчасы тулысынча җыелган. Боерган авылында 85 процент, Князево авыл җирлегендә – 77, Яңа Бүләктә – 66, Иске Абдул һәм Иске Дөрештә үзара салым акчасы 64 процентка җыелган. Район башлыгы Фаил Камаев үзара салым акчасы март аенда җыелып бетәргә тиешлеген искәртте.