Югары Байларда мунча янды

27 сентябрьдән 28енә каршы төндә сәгать 12дә бердәм диспетчерлык хезмәтенә Югары Байлар авылыннан шалтырату килә. Телефоннан авылда мунча януы турында хәбәр итәләр. Янгын сүндерүчеләр урынга барып җиткәндә, бинаны ут камап алган була инде, ялкын йортка, күрше ихатага күчәргә өлгерми. Янгынның сәбәбе электр чыбыкларының тузган булуында һәм, төнгә утның янып калуы сәбәпле, кыска ялганыш килеп чыгуда дип билгеләнә. Йортта яшәүче 35 яшьлек ир-ат - хуҗаларның улы - мунчаның ягылмаган булуын белдерә.