Яңалыклар
«Әйтәсем килгәннәрне мин кәгазьгә төшерәм...»
Хөрмәтле газета укучыларыбыз! Бүген кабаттан сезнең хозурыгызга Теләнче Тамак авылында туып-үскән, биредә урта мәктәпне тәмамлаган якташыбыз Булат Шәймәрдәновның шигырьләрен тәкъдим итәбез. Моннан тыш газетабыз битләрендә Новотроицкое авылында яшәүче Асия Хәсәнованың «Парк ачылуга» дип исемләнгән шигъри үрнәген дә бастырабыз.
Яшьләргә нәсихәт
Яши-яши аңлыйсыңдыр
Бу тормышның асылын.
Теләсәң-теләмәсәң дә,
Күрсәтә ул барысын.
Кеше туып аваз сала
Шушы фани дөньяга.
Һәр кешенең шуның белән
Тормыш юлы башлана.
Ана өчен сау-сәламәт
Баласы туа икән,
Аңардан да бәхетлерәк
Кешеләр була микән?
Бала тугач, сөенечле
Мәшәкатьләр башлана,
Ата-ана вазифасын
Үтәргә кирәк була.
Менә шушы була инде,
Тормышның иң кызыгы:
Йөгерәсең, ашыгасың
Башлана ыгы-зыгы.
Бәби тугач, ата-анадан
Бик күп нәрсә сорала,
Югалып калмаска кирәк
Кыенлыклар туганда.
Балага төпле тәрбия
Яшьтән үк бирү кирәк.
Хәер, таләпләр күп була
Монысы иң төп таләп:
Олыны олы итсә ул,
Кечене кече итсә,
Чын кеше булып үсәр,
Яшәү серләрен белсә.
Барлык начар гадәтләрдән
Яшьтән үк саклау кирәк.
Акыллы бала һәрвакыт
Ата-анага терәк.
18.11. 2016 ел
Мин бит авыл баласы
Тагын кайттым туган авылыма
Кышның матур аяз көнендә.
Тышта кышкы салкын өшетсә дә,
Җылы исләр ташый күңелдә.
Туган якка кайтмый түзә аламы
Шунда үскән авыл баласы?
Бер кырыйда торсын саф һавасыз,
Гөрләп торган шәһәр-каласы.
Авылым урамыннан атлап барам,
Кар шыгырдый аяк астында.
Салкын һава битне чеметтерә -
Бары да якын, бары да үз монда.
Капка төпләреннән карны көрәп,
Юлны ачып куйган күршеләр.
Тырыш инде, берни әйтеп булмый
Авыл җирлегендә кешеләр.
Тәмле булып төтен исе чыккан,
Кемдер мунча яккан ахрысы.
Атна азагы балалар кайтуга
Әзер булсын, диеп барысы.
Ни дисәң дә, авыл матур инде,
Килә монда мәңге каласы.
Читтә яшәсә дә, туган якка
Сагынып кайта авыл баласы.
30.01. 2017 ел
Кышкы урман
Табигатьнең матурлыгын тойыйм дисәң,
Кер син кышкы урман эченә,
Агачларны бәскә төргән салкын һава,
Саулык һәм дәрт өсти күңелеңә.
Урман сукмагыннан йөргән чакта
Кар бөртекләре өскә коела,
Җемелдәшкән бу бөртекләр миңа,
Ләйсән яңгыр кебек тоела.
Үзе салкын, үзе рәхәт монда
Бар дөньяңны шунда онытасың,
Бара торгач урман сукмагыннан,
Хозурлыкка әсир буласың.
Агач башларына карыйм дисәм,
Ай елмая күкнең йөзендә,
Миңа карап елмаядыр кебек,
Рәхәт тойгы арта күнелдә.
Тулган ай бит өстән аска карап,
Күзәтә күк матур урманны,
Әллә ул да минем кебек шулай,
Бу урманга гашыйк булганмы?
Гашыйк булырлык та бу урманга
Төз утырган каеннарына,
Тәнгә сихәт, саулык биргән өчен,
Киң колачлы, юмарт булганга.
Тәннәребез сихәт булсын дисәк,
Ятмыйк өйдә төренеп юрганга,
Мөмкин булган саен, вакыт табып,
Кереп йөрик кышкы урманга.
15.12. 2016 ел
Якын кешең янәшәңдә булса
Утыз еллап бергә гомер иттек,
Төрле яклап язмыш сынады.
Авыр чаклары да бик күп булды
Аңа карап өмет сүнмәде.
Алга карап өмет белән яши
Тормыш кадерен белгән һәр кеше.
Тырыштык без, саклап калдык
Безгә Ходай биргән бәхетне.
Якын кешең янәшәңдә булса,
Күпкә җиңел тормыш итәргә.
Рәхмәтле мин язмышыма
Сине миңа бүләк иткәнгә.
Узган гомер сизелмәде дә бит
Янымда син һәрчак булганга,
Күңелгә - дәрт, җанга рәхәт биреп,
Тормышка ямь өстәп торганга.
2016 ел
Кышкы урман
Табигатьнең матурлыгын тойыйм дисәң,
Кер син кышкы урман эченә,
Агачларны бәскә төргән салкын һава,
Саулык һәм дәрт өсти күңелеңә.
Урман сукмагыннан йөргән чакта
Кар бөртекләре өскә коела,
Җемелдәшкән бу бөртекләр миңа,
Ләйсән яңгыр кебек тоела.
Үзе салкын, үзе рәхәт монда
Бар дөньяңны шунда онытасың,
Бара торгач урман сукмагыннан,
Хозурлыкка әсир буласың.
Агач башларына карыйм дисәм,
Ай елмая күкнең йөзендә,
Миңа карап елмаядыр кебек,
Рәхәт тойгы арта күнелдә.
Тулган ай бит өстән аска карап,
Күзәтә күк матур урманны,
Әллә ул да минем кебек шулай,
Бу урманга гашыйк булганмы?
Гашыйк булырлык та бу урманга
Төз утырган каеннарына,
Тәнгә сихәт, саулык биргән өчен,
Киң колачлы, юмарт булганга.
Тәннәребез сихәт булсын дисәк,
Ятмыйк өйдә төренеп юрганга,
Мөмкин булган саен, вакыт табып,
Кереп йөрик кышкы урманга.
15.12. 2016 ел
Хисләргә бирелеп
Тәрәзәгә төшкән кояш нуры
Иртән мине назлап уятты.
Яз җиткәнен хәбәр итеп,
Бөтен хисләремне кузгатты.
Бер уйласаң, бөтен ел фасылы
Эз калдыра күңел түрендә.
Минем өчен җәй һәм яз айлары
Аеруча якын күңелгә.
Язлар җиткәч, бөтен галәм шулай
Уяна күк тирән йокыдан.
Калын тунын салып ташлап
Җиңел сулап куядыр сыман.
28.02. 2017 ел
Парк ачылуга
Асия Хәсәнова.
Районнын иң ямьле җирендә -
Новотроицкое авылы.
Челтәр-челтәр тау итәге,
Ямьләндерә туган авылымны.
Төзелешләр кайнап тора
Тирә-якта авылның.
Матур өйләр әйтеп тора,
Тырышлыгын халкымның.
Яши авыл һәркөн саен
Яңалыкка омтылып.
Матур парк төзеделәр,
Беренчеләрдән булып.
Парк төзелде бу җәйдә,
Ямьнәр биреп авылга.
Олысы һәм кечесе
Ял итәргә агыла.
Җитәкчеләр матур итеп
Сабан туен үткәрде.
Авыл халкын сөендереп,
Күңелләрен күтәрде.
Авылның паркы ачылды
Ике мең унҗидедә.
Ачылган көн тантанасы
Мәңге калыр күңелдә.
Следите за самым важным и интересным в Telegram-каналеТатмедиа
Нет комментариев