Яшьләр иҗтимагый палатасына сайлаулар Тукай районы хакимиятендә узачак

автор, 11 апрель 2014 - 09:05

724

Иртәгә, 12 апрель көнне, иртәнге сәгать 10да, Тукай муниципаль районы хакимиятенең утырышлар залында Татарстан Республикасының Дәүләт Советы каршында оешкан Яшьләр иҗтимагый палатасына сайлаулар узачак.

«ПолитЗавод - 2014» дип аталган олы проект яшьләргә Татарстан Республикасы сәясәтендә турыдан-туры катнашырга ярдәм итәчәк. Безнең районнан республика дәүләт палатасына 5 кеше дәгъва итә, алар рәтендә: Гөлназ Зарипова (Иске Җирекле авылының «Дуслык» күпфункцияле үзәк директоры), Юрий Васильев (Мәләкәс урта мәктәбенең тарих укытучысы), Алмаз Адилов (Круглое Поле поселогы мәктәбенең инглиз теле укытучысы), Венера Иванова (Яңа поселогы мәктәбенең тарих укытучысы) һәм Гөлүзә Лотфуллина (Бәтке урта мәктәбенең инглиз теле укытучысы). Сайлаулардан тулы репортажны газетаның чәршәмбе санында укый алачаксыз.