«Яшьлек авазы» 

Сәхнә матур итеп бизәлгән. Әнисә апа минем укытучым да иде. Аннан соң район, шәhәр хакимиятләрендә эшләде. Ялгызы бер кыз үстереп, югары белем биреп, олы тормыш юлына чыгарды. 
Кичә Әнисә апаның яшьлек җырлары белән башланды. Шулкадәр моңлы итеп башкарды ул аларны. «Күңел» радиосының котлавы булды. Җыр белән бергә Әнисә апа шигырьләрен дә укыды. Тирән эчтәлекле, мәгънәле иде алар. 
Мәдәният йорты директоры Гүзәлия Попова юбилярга район мәдәният бүлегенең Рәхмәт хатын тапшырды. Эшмәкәр Равил Төхбәтуллин аңа үз бүләген hәм чигеп эшләнгән калфакларны hәм аны хөрмәт итеп кичәгә килгән авылдашларының бүләкләрен тапшырды. Гөлсәрия Самойлова шигыре белән юбилярны котлады. Әнисә апага сәламәтлек, озын гомер, уңышлар hәм шулай актив булуын теләделәр. 
Соңыннан Әнисә апа бәйрәмгә килүчеләрнең барысына да олы рәхмәтләрен белдерде. Кичә бик күңелле узды. 

Гөлфирә, Гаяз МӨБАРӘКШИННАР.
Иске Гәрдәле авылы.