Яраткан район газетасы өчен тавыш бир!

Татарстанда «ТАТМЕДИА» ның легендар брендлары" дип аталган бәйге игълан ителде. Анда "Легендар газета", "Легендар журнал", "Легендар телерадиокомпания" һәм "Легендар мультимедияле редакция" номинацияләре буенча җиңүчеләр билгеләнәчәк.

Бәйгедә Тукай районының "Якты юл" газетасы да катнаша. Ул киләсе елда 40 еллыгын билгеләп үтәчәк. 2015 елның 12 маеннан 15 сентябренә кадәр он-лайн тавыш бирү башланды.

Җюри бәяләве һәм он-лайн тавыш бирү буенча иң күп санда балл җыйган массакүләм мәгүлүмат чарасы җиңүче дип табылачак. Яраткан район газетасы өчен тавыш бирү бик җиңел : http://tatmedia.ru/legends/36/ сылтамасы буенча барып, "проголосовать" дигән сүзгә басарга. Яки сайтның баш битендәге фотога басып, шул ук сайтка чыгарга һәм тавыш бирергә мөмкин. Теркәлү кирәк түгел. Сезнең тавыш безнең өчен бик мөһим!