Волонтерлар котлады

Авылның мәдәният йорты хезмәткәрләре, район балалар сәнгать мәктәбе укытучылары җыр-биюләре белән өлкәннәрнең күңелен күтәрделәр. Сәламәтлекләре буенча мөмкинлекләре чикле балаларны тәрбияләүче интернат-мәктәп хезмәткәрләре әзерләгән кашыкчылар ансамбле чыгышы, шаян биюләр, күңелле җырлар өлкәннәребезгә олы бүләк булды. Китап күргәзмәсе дә әби-бабайларда зур кызыксыну уятты. Чаллыдан килгән волонтерларның «Инклюзия мохите» яшьләр берләшмәсе вәкилләре дә искиткеч бәйрәм рухы биреп, өлкәннәр өчен дәртле җырларын башкардылар. Картлар һәм инвалидлар йортында яшәүчеләр үзләре дә килгән кунакларны күңелләреннән агылып чыккан җыр-моңнары белән сөендерделәр.

Рәмилә СӘГЪДИЕВА, 
китапханәче.