Вирус кан биргәндә ачыкланган

Район санитар күзәтчелек хезмәте мәгълүматларыннан күренгәнчә, узган атнада кискен эчәк инфекциясе эләктерүнең бер очрагы теркәлгән. Ул мәктәп укучысында табылган. Кан биргән вакытта бер кешедә В гепатиты булуы ачыкланган. Вируслы инфекцияләр йоктырган 84 кеше теркәлгән, аларның 52се - балалар. Күрсәткеч эпидемия баскычыннан 39 процентка түбән. Хайваннар тешләүдән зыян күргән ике кеше табибларга мөрәҗәгать иткән.

Теләнче Тамак, Биклән, Мәләкәс, Сосновый Бор, Комсомолец, Нефтебаза, Иштирәк, Олы Шилнә, Ильбухтино, Сарайлы, Круглое Поле, Новотроицкое авылларында эчә торган суның сыйфаты тикшерелгән һәм ул санитар нормаларга туры килә дип табылган.