Урманнарга керү тагын чикләнә

admin, 4 август 2021 - 09:11

749

Урманнарда янгын чыгу куркынычының югары классы барлыкка килү сәбәпле, ТР Министрлар Кабинетының 2021 елның 2 августындагы 671 номерлы карары нигезендә, республикада 2 августтан башлап 21 календар көн дәвамында гражданнарга урманнарга бару һәм транспорт чаралары белән урманга үтеп керү тыела. Чикләүләр республиканың урман фонды җирләрендә урнашкан урманнарга карата билгеләнә.

ТР урман хуҗалыгы тармагы белгечләре тиешле чикләү кертелүе, турында кисәтү аншлаглары урнаштырды һәм урман юллары шлагбаумнар белән ябып куелды. Шулай ук урман биләмәләрендә патрульлек көчәйтелгән, ял көннәрендә урманнарга кешеләр күпләп килә торган урыннарда вакытлы постлар булдырылган.