Укучыбызның эше югары бәяләнде

18 ноябрьдә Казан (Идел буе) Федераль университетының Алабуга филиалында мәктәп укучылары арасында "Татар теле һәм әдәбияты: бүгенгесе һәм киләчәге" дип аталган фәнни-гамәли конференция үтте. Кнәз урта мәктәбе укучылары әлеге чарада икенче елларын инде актив катнашалар. Быелгы конференциядә X сыйныф укучысы Наилә Вәлиева чыгыш ясады. Аның эше катнашучылар тарафыннан югары бәяләнеп, икенче урынга лаек булды. Укучыны конференциягә татар теле һәм әдәбияты укытучысы Рамилә Фәррахова әзерләде.