Тәрәзәләр бизәр вакыт
«Җиңү тәрәзәләре» Бөтенроссия патриотик акциясе 1 майдан старт алды. Ул 9 майга кадәр дәвам итә.
Бөек Ватан сугышында Җиңүнең 76 еллыгын бәйрәм итү кысаларында бөтен ил буенча фатир һәм йорт тәрәзәләре Бөек Җиңү символлары: Георгий тасмалары, кызыл йолдызлар, ветераннар адресына рәхмәт сүзләре белән бизәлә. Әлеге акциядә балалар бигрәк тә актив катнаша. Алар әти-әниләре белән бергә Бөек Җиңү темасына рәсем төшереп, аларны тәрәзәләргә беркетәләр. Соңын-нан тәрәзәнең фото-рәсеме #Окнапобеды2021 хештегы белән социаль челтәрләргә урнаштырыла.
Тукай районында балалар бакчаларында тәрбияләнүче һәм мәктәпләрдә укучы 400дән артык бала «Җиңү тәрәзәләрен» бизәп өлгерде инде.
/ Фото район мәгариф идарәсеннән алынды.
Следите за самым важным и интересным в Telegram-каналеТатмедиа
Нет комментариев