Тотрыклылыкка юл

admin, 3 июль 2020 - 09:25

759

«Бердәм Россия» бөтенроссия сәяси партиясенең Тукай районы җирле бүлегенең 31нче конференциясенең икенче этабы үтте.

Мәгълүм булганча, 2020 елның 13 сентябрендә ТР Президенты һәм җирле советларга депутатлар сайлау үтәчәк. Партиянең Тукай районы бүлеге сәркатибе, Тукай муниципаль районы башлыгы Фаил Камаев бу уңайдан җирле бүлек каршында торган бурычларны бәян итте. Бүлекнең сайлау алды программасы икътисадый тотрыклылыкны, халыкның социаль яклануын һәм рухи үсешен тәэмин итүне күздә тота. Ул бертавыштан кабул ителде. Шулай ук конференциядә Тукай районының җирле үзидарә органнарына депутатлыкка кандидатуралар тәкъдим ителде. Алар 147 кеше. Барысы да алдан тавыш бирүдә иң күп тавыш җыйганнар.