Татарстан мөфтие «Имам – чемпион» эстафетасын кабул итте һәм турникта күтәрелде

«Имам - чемпион» акциясен Мөхәммәд Мифтахов игълан иткән иде.

Татарстан мөфтие Камил хәзрәт Сәмигуллин ислам динен кабул итүнең 1000 еллыгы исемендәге мәчет имамы Мөхәммәд хәзрәт Мифтахов эстафетасын кабул итте һәм турникта 18 тапкыр күтәрелде. Әлеге видео Татарстан мөселманнары Диния нәзарәте рәисенең Instagram социаль челтәрендәге сәхифәсендә урнаштырылган.

«Имам - чемпион» акциясен Мөхәммәд Мифтахов игълан иткән иде. Ул эстафетаны берничә дин әһеленә, шул исәптән Камил Сәмигуллинга тапшырды. Мөфти исә, үз чиратында, республика имамнарын әлеге акциядә катнашырга һәм сәламәт яшәү рәвеше алып барырга чакырды.