Тарихны торгызыйк

Әлеге рубрикага кереп, районда яшәүче һәрбер кеше сайтта урнаштырылган фотосурәтнең тарихын ачыклау өчен үз өлешен кертә ала. Моның өчен Тукай районының рәсми сайтына кереп (http://tukay.tatarstan.ru/), «Элемтә өчен белешмә» бүлегенә керү сорала. Мәгълүматларны Nelya.Hazryatova@tatar.ru адреслы электрон почтага жибәрә яки 70-10-96 телефон номерына шалтырата аласыз.

Сүз уңаеннан, архив бүлегендә фотосурәтләрдән тыш, бүгенге көндә 13 мең документ саклана. Кайберләренең саклану срогы 50 елдан артык. Архив бүлегенең төп бурычы - оешмалар эшчәнлеге процессында барлыкка килгән, эшчәнлекләрен туктаткан оешмаларның документларын саклауны контрольдә тоту. Архивтагы документлар справкалар бирү өчен кулланыла. Мәсәлән, ел агымында архив бүлеге хезмәткәрләре тарафыннан 3014 справка бирелгән, шуның 1756сы - пенсия билгеләү өчен соралган.