Р.Миңнеханов ТР Мәдәни мирас объектларын саклау комитетын оештыру турында указны имзалады

Татарстан Президенты Рөстәм Миңнеханов «Мәдәни мирас объектларын саклау комитетын оештыру турында»гы указны имзалады. Бу турыда Татарстан Президенты матбугат хезмәте хәбәр итте.

Әлеге указ республикада мәдәни мирас объектларын саклау һәм популярлаштыру өлкәсендәге идарәне камилләштерүгә юнәлдерелгән.

Моңа кадәр коррупциягә каршы мониторинг бүлеген җитәкләгән Иван Гущин яңа ведомствоның рәисе итеп билгеләнде.

Комитет оештыру турындагы указ бүгеннән үз көченә керә.