Якты юл
  • Рус Тат
  • Рәхмәт хатлары тапшырылды

    Ташу вакытында газ торбаларына зыян килеп, Кече Шилнә җирлегенә караган авыллар зәңгәр ягулыксыз калган иде. Аварияне бетерүдә "Чаллыгаз" эксплуатация-җитештерү идарәсе хезмәткәрләре һәм шәхси эшмәкәр Николай Черпаков җитәкчелегендәге бер төркем ремонтчылар вакыт белән исәпләшмичә, бар көчләрен куеп эшләделәр.

    Хакимияттә үткән атналык киңәшмәдә "Чаллыгаз" эксплуатация-җитештерү идарәсенең авыл җирлекләре белән эшләү хезмәте башлыгы Илдар Абзаловка һәм шәхси эшмәкәр, Кече Шилнә авыл җирлеге башлыгы урынбасары Николай Черпаковка район хакиме Васил Хаҗиев рәхмәт хатлары тапшырды. "Газүткәргечне тиз арада төзекләндергән өчен муниципаль район Советы, Кече Шилнә авыл җирлеге халкы исеменнән рәхмәт белдерәм. Һөнәри осталылыгыгыз, авырлыклар алдында куркып калмавыгыз, җаваплылыгыгыз катлаулы хәлдән чыгарга ярдәм итте. Сезгә ныклы сәламәтлек, хезмәтегездә уңышлар, гаиләләрегезгә иминлек телим", - дигән юллар бар әлеге хатларда.

    Нравится
    Поделиться:
    Реклама
    Комментарии (0)
    Осталось символов: