Районга Тынычлык Байрагы тапшырылды

Тукай районына Рерих Пакты - фән һәм сәнгать оешмаларын һәм тарихи һәйкәлләрне яклау турындагы халыкара килешү символы - Тынычлык Байрагы тапшырылды. Әлеге байрак ТРда Казан шәһәрендә һәм хәзер Тукай районында да булачак. Мәдәният бүлеге башлыгы Алсу Җаббаровага һәм «Гиндукуш» музее директоры Резидә Гариповага Тынычлык Байрагын Камчатка өлкәсендә, Чукотка автоном округында һәм Саха Республикасында булган Тынычлык Байрагы эстафетасы катнашучысы Тамара Макаренко тапшырды. Әлеге байрак Иске Абдул авылы мәдәният йортында сакланачак.