Районда «Безнең алан» ял базасында янгын чыккан

Тукай районында «Безнең алан» ял базасында янгын чыккан. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Бүген көндезге берләр тирәсендә база территориясендәге котельный һәм утын сараена ут капкан.

Ут белән көрәшүчеләр янгынны тиз арада сүндергән. Аларның тырышлыгы белән ялкын телләре башка объектларга күчәргә өлгермәгән.