Һәр салым түләүче күз уңында

admin, 13 гыйнвар 2021 - 10:00

814

Район башкарма комитеты җитәкчесенең икътисад һәм эшкуарлыкка ярдәм итү буенча урынбасары Фәрит Заһретдинов хуҗалык җитәкчеләре катнашындагы киңәшмәдә районда салым бурычларын җыюның барышы белән таныштырды.

Бүгенгә тукайлыларның барлык төр салымнар буенча 43,7 млн сум әҗәте бар. Кызганычка, бу бик зур сумма. Бурычлыларның һәрберсе белән индивидуаль рәвештә эшләргә кирәк, дип басым ясалды киңәшмәдә. Әҗәтләрне җыю эшен тизләтү максатыннан район комиссиясе авылларга чыга. Ел башыннан алар берничә җирлектә булды инде. Бүген Калмашка, 14 январьда Иштирәккә, 15ендә Яңа Троицкига чыгу планлаштырыла.