Вакцинация үтә

Шушы көннәрдә авыл җирлекләрендә себер түләмәсе, эмкар авыруларына, котыруга каршы мөгезле эре һәм вак терлеккә, дуңгызларга, эт-мәчеләргә планлы (бушлай) вакцинация ясыйлар. Ветеринария белгечләре шулай ук бруцеллез, лейкоз, туберкулез авыруларын ачыклау өчен маллардан кан алу белән мәшгульләр. Март аеннан бүгенге көнгәчә ветеринария табиблары 15 авыл җирлекләрендәге йорт малларын тикшереп, вакцинация үткәргәннәр. Әлеге профилактик чаралар 20 апрельгә кадәр дәвам итәчәк, дип хәбәр итте районның табиб-эпизоотологы Альфира Харисова.