Пенсиягә өстәмә

admin, 30 июнь 2019 - 10:10

1403

Тукай районында 800дән артык кеше пенсияләренә өстәп акча ала башлады. Болар керемнәре регионда билгеләнгән яшәү минимумыннан ким булган гражданнар. Татарстан Республикасында ул күрсәткеч 2019 елда 8232 сум тәшкил итә.

Законга кертелгән үзгәрешләр нигезендә, пенсионерның акчасы башта яшәү минимумына җиткерелә, аннары, шуңа өстәп, пенсиягә һәм ЕДВга индексация түләнә. Башкача әйткәндә, яшәү минимумына хәзер һәрвакыт индексация акчасы өстәлеп барачак.
Үзгәрешләр эшләмәүче пенсионерларга – иминият пенсияләре яки дәүләт тәэмин итүе буенча пенсияләр алучыларга (социаль пенсияләрне дә кертеп) кагыла. Болар – өлкәннәр, инвалидлар, туендыручысын югалткан өлкәннәр һәм балалар. Аларга 2018 елның 31 декабреннән федераль социаль түләү билгеләнгән булу шарт.