Пенсионерлар ярышты

admin, 23 июнь 2022 - 12:24

539

Цифрлы икътисадның алга таба үсеше өчен уңай шартлар тудыру, цифрлы технологияләрне, сервисларны һәм хезмәтләрне нәтиҗәле үстерү максатыннан, ТР Президенты Рөстәм Миңнеханов инициативасы буенча 2022 ел республикада цифрлаштыру елы дип игълан ителде. Цифрлаштыру халыкның тормыш сыйфатын күтәрү, мөмкинлекләрне киңәйтү, төрле процедураларны җиңеләйтү мөмкинлеге бирә торган инструмент булып тора.

Тукай районының Комсомолец поселогында пенсионерлар арасында компьютер буенча күп төрле ярыш буенча чемпионат узды. Компьютер өлкәннәргә дә барлык вакыйгалардан хәбәрдар булырга, зур мәгълүмат агымында ориентлашырга өйрәнергә ярдәм итә. Заманча пенсионерлар компьютерны яхшы беләләр, ә кайвакыт хәтта яшьләрдән уздырып җибәрәләр, интернетта кирәкле мәгълүматны тиз табалар, сатып алулар ясыйлар, аралашалар, табибка кабул итүгә һәм дәүләт хезмәтләре алуга язылалар – моны пенсионерлар арасындагы ярыш тагын бер кат раслады.