Никахлар саны арткан

Агымдагы елның август аенда Тукай районында 32 сабый дөньяга тәүге мәртәбә аваз салган. Шуларның 15е малай, 17се - кыз. Ә июль аенда район гражданлык хәлләрен теркәү бүлегендә 40 сабыйның тууы рәсмиләштерелгән булган.

Яңа туучы балалар саны август аенда кимегән, ә никахлар, киресенчә, арткан, дип хәбәр итте газета хәбәрчесенә район гражданлык хәлләрен теркәү бүлеге җитәкчесе Эльвира Мостафина. Июль аенда 17 пар үзләренең мәхәббәтләрен законлы рәсмиләштергән булса, августта 22 туй үткәрелгән.