Мәктәпне тәмамлаучы кадерле дуслар!

Районыбыз укучыларын соңгы кыңгырау бәйрәме белән котлыйм. Соңгы кыңгырау - һәрбер кеше тормышында кабатланмас һәм бер генә тапкыр була торган вакыйга. Быел район мәктәпләренең унберенче сыйныфын - 98, тугызынчыны 254 укучы тәмамлый. Хәзер сезне барыгызны да зур сынау - имтиханнар көтә. Аларны уңышлы гына тапшырырсыз дип ышанам. Әле кайчан гына кечкенә җилкәләренә зур сумкалар асып, тәүге тапкыр мәктәп бусагасын атлап кергән сабыйлар бүген инде җиткән кызлар һәм егетләр булганнар, мәктәп белән саубуллашырга әзерләнәләр. Барлык имтиханнарны да уңышлы тапшырып кулларыгызга аттестатлар алуыгызны, мөстәкыйль тормышта үз юлыгызны сайлап, җәмгыятьтә үз урыныгызны таба алуыгызны телим. Уку йортына диплом өчен түгел, киләчәктә җәмгыятькә кирәкле кешеләр булу өчен, сайлаган һөнәрегезнең файдасын, нәтиҗәсен күрү өчен барыгыз. Диплом тотып эш эзләп йөргәндә инде нәрсә дә булса үзгәртергә соң булырга мөмкин. Алдагы өч-биш ел сезгә нәкъ менә һөнәр үзләштерү өчен бирелә. Һәрберегезнең сәләте бар - шул юнәлешне үстерегез, тормышта дөрес юлны табыгыз. Изге сәфәрләр сезгә!

Район мәгариф идарәсе башлыгы Рамил Исаев.