Мәктәпләрдә куркынычсызлык атналыгы башланды

21 сентябрьдән 28енә кадәр район ЮХИДИ хезмәткәрләре мәгариф учреждениеләрендә куркынычсызлык атнасы үткәрәчәкләр. Бу көннәрдә алар балалар һәм аларның әти-әниләре каршында юлда үз-үзеңне тоту турында чыгышлар ясаячаклар, балаларны яктылык кайтаручы элементлар кергән киемнәрдән йөртүгә зур игътибар биреләчәк, мәгариф учреждениеләрендә юл иминлеге паспортлары төзеләчәк яки яңартылачак, «өй - мәктәп - өй» куркынычсыз маршруты схемалары барланачак, ул күренә торган урынга эленәчәк, юл һәлакәтләре аеруча күп була торган участоклар, җәяүле балалар өчен куркыныч тудыручы территорияләр күздән кичереләчәк, дип хәбәр итәләр ЮХИДИ бүлегеннән.