Май чабуга – Минзәлә районына

Бәйрәмебезне Яз кызы һәм Кыш бабай ямьләде. Май чабу коймагы, кайнар чәй белән белән сыйланып кына калмадык, бик күп уеннар да оештырдык. Теләүчеләр бизәкле чиләкләрен көянтәгә асып, кар ташыдылар. Биш кеше бер чаңгыга басып узышты. Аркан тарту, озын бау аша сикерү уеннары бик мавыктыргыч үтте. 
Ахырдан Карачкыны яндырдык – ягъни «чирләр»не, «усаллык», «комсызлык» кебек начар сыйфатларны үзебездән кудык.
Ә шимбә көнне безнең «Питрау» үрнәк балалар фольклор коллективы һәм «Питрау» урта яшьтәгеләр фольклор коллективы Минзәлә районы Кадрәк авылында Май чабу бәйрәмендә кунакта булды. 

Лидия Фәртдинова.
/ Фото Лидия Фәртдиновадан алынды.