Май бәйрәмнәрендә табиблар ничек эшләячәк

Алда озын яллар. Әмма авыру сорап тормый. Бәйрәм көннәрендә хасталап китсәң, кая барырга, медицина учреждениеләре ничек эшли? Шушы сораулар белән район больницасына мөрәҗәгать иттек. «Май бәйрәмнәрендә район больницасында тәүлек буена дежур табиблар эшләячәк. 2 майда поликлиникада терапевт, балалар табибы, акушер-гинеколог кабул итә. 4, 11 майда шушы ук белгечләр һәм хирург дежур торачак», - дип аңлатты безгә район больницасы баш табибы вазыйфаларын башкаручы Наилә Гессер. Наилә Камил кызы авылларда ашыгыч медицина ярдәме кирәк булганда фельдшерларга мөрәҗәгать итәргә тәкъдим итә. Авыруның хәле авыр булганда ашыгыч ярдәм чакыртырга кирәк. Инфаркт, инсульт очраклары булганда кеше гомерен саклап калуда һәр минут кадерле.