Коррупциягә каршы көрәш формаль төстә булмаска тиеш

дип билгеләп үтте районның коррупциягә каршы көрәш комиссиясе утырышында Федераль Куркынычсызлык Хезмәте Идарәсенең Татарстандагы бүлек вәкиле И. Зәйнуллов. Аның эшендә хокук саклау органнары вәкилләре, хакимиятнең җаваплы затлары, комиссия составындагы әгъзалар катнашты. Утырыш 9 декабрь - Халыкара коррупциягә каршы көрәш көне уңаеннан киң җәмәгатьчелекнең игътибарын әлеге җитди мәсьәләгә юнәлтү максатын күздә тотып үткәрелде. Очрашу барышында муниципаль район Советының юридик бүлек башлыгы А. Хафизов агымдагы елда башкарылган эшләр буенча хисап тотты, киләсе еллар өчен каралган коррупциягә каршы көрәш программасы проекты белән таныштырды. Комиссиянең чираттагы утырышы 20 декабрьгә билгеләнде.