Кнәздә студент егетләр бильярд уйнауда ярышты

Кнәз мәдәният йортында яшьләр арасында «Иң яхшы бильярдчы - 2015» дигән спорт чарасы үтте. Ярышта җирлектә яшәүче студентлар - 17-18 яшьлек 10 егет катнашты. Рафаэль Биттаһиров, Руслан Веретенников, Стас Веретенников, Илназ Гайнетдинов, Илнур Каюмов, Руслан Утробин, Артем Баһаветдинов, Игорь Лобашов, Максим Васильев, Тимур Гәрәев бу өлкәдә бик яхшы спортчылар икәнлекләрен күрсәттеләр. Егетләр башта чирек финалда, аннары ярымфиналда көчләрен сынадылар. Ә 2015 елның иң яхшы бильярдчысы булып Илназ Гайнетдинов табылды. Икенче һәм өченче урыннарны Руслан Веретенников һәм Стас Веретенников бүлеште. Җиңүче егетләр барысы да дипломнарга һәм истәлекле бүләкләргә лаек булдылар, дип яңалыгы белән уртаклаша мәдәният йорты директоры Тамара Тузеева.