Хәйрия акциясе старт ала

admin, 27 июль 2022 - 15:10

505

Яңа уку елы алдыннан Тукай районында ел саен үткәрелә торган «Мәктәпкә җыенырга ярдәм ит»республика хәйрия акциясе башлана. Әлеге акция ярдәмендә авыр тормыш шартларына дучар булган гаиләләрдәге балаларга ярдәм күрсәтергә һәм аларны мәктәпкә әзерләргә, кирәк-яраклар сатып алырга мөмкин. Бу акция Татарстанда 2007 елдан бирле үткәрелә. Бу уку елында 523 баланы беренче сыйныфка кабул итү планлаштырыла.

Бүгенге көндә аларның йөзгә якыны ярдәмгә мохтаҗ гаиләләрдә яши. Алар әлеге акция кысаларында комплектланган портфельләр тапшырылачак. Шулай ук уку елы дәвамында районда «Үз мәктәбеңә ярдәм ит» акциясе дә узды, аның барышында предприятие һәм оешма җитәкчеләре, сәүдә фирмалары һәм челтәрләре директорлары, эшмәкәрләр мәктәп укучыларын укыту һәм тәрбияләү өчен шартлар тудыруга һәм яхшыртуга ярдәм иттеләр.