Кемнәр өчен пенсиягә чыгу яше 5 елга киметелә?

Пенсиягә чыгу яшен теләсә кем киметергә мөмкин. Хатын-кызлар – 55 яшькә җиткәч, ир-атлар – 60 яшькә җиткәч пенсия ала башлый, дигән сүз бу.
Моның өчен ихтыяри пенсия иминиятләштерүе (добровольное пенсионное страхование) дигән программада катнашырга кирәк. Мондый программаны хәзер Россия Пенсия фонды, шулай ук дәүләтнеке булмаган пенсия фондлары тәкъдим итә. Пенсия реформасы пенсияләрнең тупланма өлешенә кагылмады. Шуңа күрә бу түләүне иске пенсия яше буенча алырга мөмкин.
Белгеч әйтүенчә, мондый пенсия планын ничек тә тизрәк рәсмиләштереп кую отышлы. Әйтик, программага 35 яшьтә кереп, 20 мең сум күләмендә – беренчел взнос түләсәң, шуннан соң һәр ай саен шунда 1әр мең сум җибәреп торсаң, пенсиягә чыгу вакытына ярты миллионнан артыграк акча тупланачак. Бу ун ел дәвамында һәр ай саен бишәр мең сум алып тору мөмкинлеге бирәчәк.