Карантин кертелде

admin, 25 октябрь 2022 - 11:40

305

Тукай районында котыру авыруы буенча карантин кертелде. Тиешле указга Татарстан Республикасы Президенты Рөстәм Миңнеханов кул куйды. Авыру чыганагы Кырныш авылында шәхси ярдәмче хуҗалык территориясендә табылды.

Боерык нигезендә, котыру авыруын тапкан урында терлекләрне читкә алып чыгарга, яңаларын алып кайтырга ярамый. Шулай ук авыл җирлеге территориясендә ярминкәләр, ит ризыклары сатулар һәм хайваннарны күчерү, туплау белән бәйле башка чаралар үткәрү тыела. Карантин шикле соңгы хайванны суйганнан соң 60 көн узгач юкка чыгарыла.