Кадерле өлкәннәребез!

Сезнең белем, сезнең акыл һәм бай тәҗрибәгез инициативалы яшьләр өчен бик мөһим. Сез матди кыйммәтләрне һәм гореф-гадәтләрне саклыйсыз, балалар һәм оныклар өчен терәк һәм ышанычлы ярдәмчеләр. Сез халкыбызның бай тарихын яздыгыз, районыбыз,  илебез данын күтәрдегез, илгә лаеклы уллар-кызлар үстердегез, бүген тормыш тәҗрибәсен оныклар, оныкчыкларга тапшырасыз. Сез әле һаман да активлар, яшь буынны патриотик рухта тәрбияләүдә үзегездән зур өлеш кертәсез, иҗат, спорт белән шөгыльләнәсез.
Хөрмәтлеләребез! Еллар моңсулану өчен сәбәп булмасын, ә яшәү көче көн саен артып торсын! Сезгә ныклы сәламәтлек, күңел көрлеге, бәхетле гомер еллары һәм балаларыгызның, туганнарыгызның, якыннарыгызның  игътибарын тоеп яшәвегезне телим.

Ихтирам белән район ветераннар һәм инвалидлар оешмасы рәисе Галимҗан Зарипов.