Иске Абдул мәдәният йортында чиккән мендәрләр күргәзмәсе ачылды

Иске Абдул мәдәният йортында мәдәният йорты хезмәткәрләре, китапханә, музей, "Ак калфак" оешмасы белән берлектә оештырдык. Бу күргәзмә әле октябрь ахырына кадәр эшләячәк. Мәдәният йортына килүчеләр бер мизгелгә бу матурлык янына тукталар һәм китә алмыйча өнсез калып торалар. Чынлап та бу бик матур, җанга якын. Мендәрләрдән нур бөркелә. Чөнки анда куллар җылысы. Әнкәй кулләры, апа-сеңел куллары.

Кадерле дуслар, Сездә бу эшкә кушыла аласыз. Рәхим итегез! Бу, бердән, үзегезнең осталыгыгызны күрсәтергә мөмкинлек, икенчедән, балаларыбызга милли тәрбия бирүнең бер ысулы, дип хәбәр итә «Гиндукуш» иҗтимагый-патриотик музее директоры Резеда Гарипова.

Белешмәләр өчен телефон :37 06 06 һәм 8 919 627 1084