Ир-егетләрне бәйрәм белән тәбрикләгез!

admin, 15 февраль 2019 - 13:40

1086

«Якты юл»ның бүгенге көндә иң популяр сәхифәсе – котлаулар. Укучыларыбыз безнең аша иң газиз, якын кешеләренә ихлас теләкләрен юллый. Бәйрәм, туган көн, юбилей уңаеннан үзең өчен генә атап, кадерләп язган һәр сүз күңелдәге иң тирән хисләрне уята, йөрәкне җылыта. Якыннарың шундый рәхмәтле, татлы сүзләрдән тезеп теләкләр юллый икән, димәк, яраталар, син аларга кирәк һәм кадерле.

Тиздән 23 февраль – Ватанны саклаучылар көне җитә. Кадерле ир-атларыбыз, безнең чын яклаучыларыбыз, саклаучыларыбыз бәйрәме. Һәм аларга үзебезнең җылы хисләребезне, рәхмәтләребезне җиткерер өчен менә дигән форсат та. Ышанычлы ирләрегезгә, яраткан улларыгыз һәм тугры дусларыгызга безнең газета аша теләкләрегезне юллагыз. Мондый бүләк аларга һичшиксез ошар.