Иң яхшыларны сайлыйлар

admin, 14 апрель 2021 - 10:30

799

Мәктәп укучылары hәм балалар бакчаларында тәрбияләнүчеләр арасында строй һәм җыр смотр-конкурсының сайлап алу туры узды.

13 апрельдә Түбән Суыксу авылындагы «Алга» спорткомплексында Бәтке, Биклән, Борды, Иштирәк, Круглое Поле, Мәләкәс, Түбән Суыксу, Мусабай-Завод, Теләнче-Тамак, Яңа Бүләк мәктәп командалары көч сынашты. Сайлап алу этабының икенче көнендә – 15 апрельдә Сосновый Бор поселогының «Яшьлек» спорт комплексында Боерган, Калмаш, Комсомолец, Калмия, Күзкәй, Князево, Новотроицкое, Кече Шилнә, Сәмәкәй, Иске Абдул, Шилнәбаш авыллары hәм Яңа поселогы мәктәп укучылары катнашачак. Бәйгенең финалы 27 апрельгә планлаштырыла.