Иң яхшы яшь машина йөртүчене билгелиләр

Район яшьләр эшләре, спорт һәм туризм бүлеге белгечләре «Иң яхшы яшь машина йөртүче» исемле бәйгегә старт бирүе турында хәбәр итә. Конкурста катнашу өчен 2 мартка кадәр Тукай районында пропискасы булган ир-атларга Ilnur.G@tatar.ru электрон почтасына заявка җибәрергә кирәк. Бәйге ДОСААФ автомәктәбе (Яр Чаллы шәһәре, Низаметдинов урамы, 26нчы йорт) базасында ике турда оештырыла. Беренче тур кысаларында катнашучылар теоретик һәм юл хәрәкәте кагыйдәләре белемнәрен күрсәтергә тиеш булалар. Икенче турда исә машинада йөрүнең һөнәри осталыгы билгеләнә. Призлы урыннар алган яшь машина йөртүчеләр дипломнар, медальләр һәм сертификатлар белән бүләкләнә.