Хезмәт хакын конвертта бирсәләр, «Халык контроле» сервисына мөрәҗәгать итәргә була

«Соры» хезмәт хакына эшләү яки рәсми булмаган мәшгульлек белән шөгыльләнү хезмәт турындагы законда каралган күп төрле социаль гарантияләрнең, стажның һәм эш хакының билгеләнгән күләмен, шул исәптән өстәмә түләүләрне, премияләрне, пособиеләрне һәм, ниһаять, пенсияне югалтуга китерергә мөмкин, дип кисәтә тукайлыларны район мәшгульлек үзәге җитәкчесе Татьяна Сиврюк. Хезмәтнең мондый тәртибеннән риза булмаучылар, эш хакын конвертта түләүчеләр хакында дәүләт һәм муниципаль хезмәтләр күрсәтү порталына «Халык контроле» сервисына хәбәр итәргә яки 70-00-76 номеры аша район хакимиятенең «кайнар линия» телефонына шалтыратырга була.